នារសៀលថ្ងៃអាទិត្យ ទី៩ ខែកុម្ភៈ ឆ្នាំ២០២៥ គណៈប្រតិភូគណៈកម្មការសិទ្ធិមនុស្ស ទទួលពាក្យបណ្តឹងនិងអង្កេត និងអធិការកិច្ច នៃព្រឹទ្ធសភា (គណៈកម្មការទី១) ដឹកនាំដោយឯកឧត្តម ងី ច័ន្ទ្រផល ប្រធានគណៈកម្មការទី១ព្រឹទ្ធសភា អមដំណើរដោយឯកឧត្តម ផេង សំអឿន អគ្គនាយករងអាជ្ញាធរជាតិព្រះវិហារ បានអញ្ជើញទស្សនកិច្ចប្រាសាទព្រះវិហារ និងជួបសំណេះសំណាលជាមួយកងកម្លាំងមានសមត្ថកិច្ចប្រចាំការនៅប្រាសាទព្រះវិហារ ស្ថិតក្នុងស្រុកជាំក្សាន្ត ខេត្តព្រះវិហារ។
ទន្ទឹមគ្នានោះ គណៈប្រតិភូគណៈកម្មការទី១ព្រឹទ្ធសភា បាននាំយកទេយ្យទាន និងបច្ច័យ ទៅប្រគេនដល់ព្រះចៅអធិការវត្តកែវសិក្ខាគិរីស្វារៈ (ហៅវត្តប្រាសាទព្រះវិហារ) ព្រមទាំងបានបួងសួងសុំសេចក្តីសុខសប្បាយក្រោមម្លប់នៃសន្តិភាព ជូនដល់ប្រជាពលរដ្ឋទូទាំងប្រទេស។
ក្នុងឱកាសនោះ គណៈប្រតិភូបានឧបត្ថម្ភថវិកាថវិកាចំនួន២,៥ លានរៀលដល់កងកម្លាំងមានសមត្ថកិច្ច និងអាជ្ញាធរប្រចាំការនៅប្រាសាទព្រះវិហារ…។
ប្រភព៖ នាយកដ្ឋានព័ត៌មាន
